Somalia iyo Uganda oo ka wada hadlay Wadaagista Arrimaha Sirdoonka

Taliyaha Ciiddanka Qaranka Somalia, Jeneral C/weli Jaamac Xuseen oo maalmahan booqasho hawleed ku joogay dalka Uganda waxa uu dhigiisa dalkaasi, Jeneral David Muhoozi kulan kula yeeshay  Xarunta Taliska Dhexe ee Ciiddanka Difaaca Uganda oo ku taalla Buurta Mabuya ee K/bari ee magaalladda Kampala.

Labada Taliye waxay ka wada hadleen Hawlgalka AMISOM, Ammaanka Gobalka iyo sidii ay labada dhinac u wadaagi lahaayeen Hawlaha Sirdoonka ee La-dagaalanka Alshabaab.

Taliyaha Ciiddanka Qaranka Somalia, Jeneral C/weli Jaamac Xuseen waxa uu Dowladadda Uganda kaga mahad celiyey dadalkooda ku aadan Dhismaha Awoodda ee Ciiddanka Qaranka Somalia iyo kaalinta ay Ciiddankooda ka qaataan Hawlgalka AMISOM.

Waxa kale oo uu ka mahad celiyey Taageeradda ay Dowladda Uganda siiyaan Hawlgalka AMISOM, iyadoo Ciiddanka Uganda yihiin kuwa uga badan ee qeybta ka Hawlgalak AMISOM.

Dhinaca kale, Taliyaha Ciiddanka Uganda, Jeneral David Muhoozi oo ka hadlay Qaabilaadaasi waxa uu sheegay inay Dowladiisa ka go’an tahay  dhamaystirka Waajibaadka Ammaanka ee lagu hubinayo Nabadad Gobalka iyo Deganaanshaha.

Kulanka Taliyayaasha Ciiddamadda ee Somalia iyo Uganda waxaa goobjoog ka ahaa Madaxa Ciiddanka Isku-dhafka ee Uganda, Sarreeye Gaas Joseph Musanyufu.

Comments
Loading...