Wararka aan ka heleyno deegaan ku yaalla Duleedka Magaalada Dhuusamareeb ayaa sheegaya in duhurnimadii Maanta halkaas uu ka dhacay Shil Gaari oo sababay Khasaaro isugu jira dhimasho iyo dhaawac.
Shilkaan ayaa waxaa la sheegay inuu yimid kadib markii uu gaari nooca raaxada ah oo ku socday xawaare Sare uu hal mar wadada dhinac uga baxay,iyadoona sidaas uu ku rogmaday.
Sidoo kale Shilkaas ayaa waxaa ku geeridooday hal ruux oo kamid ahaa dadkii saarnaa gaariga,halka uu ku dhaawacmay Nabadoon lagu magacaabo Ciise Maxamuud Maxamad oo loo yaqaano Ciise lugeey,kaasi oo dhaawiciisa loo soo qaaday dhanka Dhuusamareeb.
Allaha u naxariistee Marxuumka dhintay ayaa waxaa lagu magacaabi Maxamed Nuur Alifle,waxaana goobta uu falka ka dhacay gaaray dad shacab ah oo xiligaas goobta ka Agdhawaa,isla markaana gurmad u sameeyay Nabadoon Ciise,sidoo kale soo qaaday Meydka Marxuumka.
Shilal kala duwan oo sababay dhimasho iyo dhaawac ayaa dhowr jeer ka dhacay deegaano ka tirsan dowlad Goboleedka Galmudug.
