Bishii Janaayo ee Sanadkaan Maamulka koonfur Galbeed Soomaaliya waxaa siku soo dhiibay Sarkaal ka tirsanaa Al-Shabaab kaas oo lagu Magacaabi jiray Maxamed Xasan Aadan (Sandheere),waxana Maamulka Koonfur Galbeed ay gudoonsiiyeen Abaalmarin lacageed oo gaareysay($15,000) Shan iyo Toban Kun oo Dollar.
Xalay ayaa Xaflada lagu qabtay Magalada Baydhabo oo uu hoarantii Sanadkaan Sarkaalkaas isku soo dhiibay ayaa waxaa lacagtaas guddoonsiiyey Wasiirka Wasaaradda Amniga Maamulka Koonfur Galbeed Soomaaliya Xasan Xuseen Maxamed (Xasan Eelaay).
Sarkaalka ka tirsanaa Al-Shabaab ee Maamulka Koonfur Galbeed isku soo dhiibay ee Maxamed Xasan Aadan (Sandheere) ayaa sheegay in sababta uu Shabaab uga soo baxay ay aheyd in ay dhibaato ku hayaany Shacabka Soomaaliyeed sida uu hadalka u dhigay,isaga xiligaas Watay Gaari Nooca dagaalka ah ee loo yaqaano Cabdi bilaha,isla markaana uu ku xiran yahay Qori Dhashiike ah.
Masuuliyiinta Maamulka Koonfur Galbeed ayaa waxa ay sheeegen in sababta lacagtaas loosiiyey ay tahay in uu iminka wadahadal la bilaabay Maamulka koonfur Galbeed Soomaaliya,isla markaana ay ku doonayaan in ay dhiiragelin u noqoto Xubnaha kale ee doonaya in ay isku soo dhiibaan Maamulkooda.
Ugu dambeyn waa markii ugu horeysay oo Sarkaal ka tirsanaa Al-Shabaab,isla markaana iksu oo dhiiba mid ka mid ah Maamulada dalka ka jira e laguddoonsiiyo cadada lacagta intaas la eg,waxa uuna xalay sheegay isaga oo Warabahinta la hadlayey in uu aad ugu faraxsan yahay abaalmarinta la guddonsiiyey.
Hoos Ka Daawo Sawirrada.
