Mukhalasiin Soomaali la sheegay inay dadka ka tahriibin jirtey Kenya oo la qabtay

Sida aynu ka soo xiganay Warbaahinta dalkaasi waxay Baarayaasha Hay’adda Dembi-baarista gacanta ku dhigeen 2 Eedeysane oo lagu tuhunsan yahay inay dadka tahriibin jireen iyo inay samayn jireen Dukumentiyadda Socdaalka oo la been abuuray.

Labada nin ee lagu eedeynayo falkaasi oo magacyadooda lagu kala sheegay Maxamed Ismaaciil Ibraahim iyo Cali Ibraahim Barrow waxaa shalay laga soo qabtay Hotel ku yaalla Xaafadda Islii ee magaalladda Nairobi.

Hay’adda Dembi-baarista Kenya ee DCI  waxay sheegtay inay baaritaano kadib  gacanta ku soo dhigeen dhowr Baasabooro Somalia, Kenyan iyo Ethiopian oo la been abuuray, waa sida ay hadalka u dhigeen.

Baarayaasha waxay tuhunsan yihiin inay labadaasi Eedeysane qeyb ka yihiin  shabakad ka shaqeysa in dadka Muhaajiriinta ee Gobalka loo tahriibiyo dalal kale, waa sida ay hadalka u dhigeen..

Dhinaca kale, Boliska Kenya waxay gacanta ku hayaan 5 qof o oshisheeye ah oo uu ku jiro Wiil Soomaali ah, kuwaasi oo dhamaystay Xabsi horey loogu xukumay.

Dadkaasi lagu hayo Saldhiga  Boliska Kasaraani ee magaalladda Nairobii ayaa kala ah 3 u dhalatay dalka Ruwanda, mid u dhashay Somalia iyo mid ka soo jeeda dalka UK, kuwaasi oo lagu wado in loo soo  masaafuriyo dalalka ay ka soo kala jeedaan.

Wiilka Soomalaiga oo 15-jir ah ayaa la sheegay inuu ku dhashay  Degmadda Garissa ee W/Bari Kenya, isla markaana aanu weligiisa cagta soo dhigin dalka Somalia.

 

About Bilan Media

Bilan is Somalia’s first ever all-women media team. Staffed and run entirely by women with full editorial independence, the unit covers hard news and in-depth features, holding leaders to account and making sure the media represents all citizens, men and women, weak and powerful, rich and poor.

View all posts by Bilan Media