Diyaarad Dagaal oo nooceedu ahaa MIIG 27 oo ay lahaayeen Ciiddanka Cirka Hindiya ee IAF oo ku burburtay meel ku dhow Degmadda Jodhpur ee Gobalka Rajistthan ee dalkaasi.
Wakaalladda Wararka Hindiya ee Times of India (TOI) reported ayaa sheegtay inuu Duuliyihii Diyaaradda uu ka badbaaday shilkaasi, kadib, markii uu Diyaaradda kaga booday Baarshuutka.
Diyaaradaasi ayaa la sheegay inay ku jirtay Duullimaad caadi ah, isla markaana ay cillad dhinaca Matoorka u burburtay.
Warar hordhac ayaa sheegaya inaysan jirin khasaaro nololeed iyo mid hantiyeed oo ka dhashay burburka Diyaaradaasi.
Wa Diyaaradii Labaad ee ay Ciiddanka Cirka Hindiya lahaayeen ee burburta bishan March oo keliya.
Bishan March 8-dii, Diyaarad Dagaal oo nooceedu ahaa Miig 21 ayaa ku burburtay Gobalka Rajasthan ee dalka Hindiya, sabab lagu sheegay inay Diyaaradda isku dhaceen Shimbir, taasi oo keentay inay Diyaaradda dhulka ku hoobatay, kadibna burburto.
Dhinaca kale, Milliteriga dalka Pakistan waxay bishi la soo dhafaay ee Feberaayo 27-dii soo rideen ugu yaraan hal Diyaarad Dagaal oo nooceedu ahaaMIIG 21 Bison oo ay Hindiya lahayd, iyadoo Duuliyihii Diyaaradaasi oo bad-qaba dib loogu celiyey dalkiisa hooyo.