Wadar ahaan 15 Muhaajiriin ka soo jeeda dalalka hoose Lama-degaanka Saxarah Afrika ayaa ku geeriyootay shil gaari oo maanta ka dhacay Bariga dalkaasi.
Wakaalladda Wararka Morooko ee MAP ayaa sheegtay inuu shilkaasi dhacy, kadib, markii gaarigii ay la socdeen tahriibayaashaasi uu ka dhacay Kanaal Waraabka Beeraha oo ku yaalla inta u dhexeysa magaallooyinka Saciidiyah iyo Nadoor.
Maamulayaasha Gobalka Berkane ayaa sheegay inay 17 Tahriibayaal ah ku dhawaacmeen shilkaasi, iyadoo dhawaaca loo gudbiyey Isbitaalka Guud ee Gobalkaasi.
Boliska waxay bilaabeen baaritaanka waxa sababay shulkaasi iyo dadkii hagayey Tahriibayaasha, iyadoo Dareewalkii waday gaariga uu baxsaday.
