Machadka Garissa oo cabsi laga qabo weerar Alshabaab darteed loo xiray

Hormuudka Machadka Tababarka Caafimaadka “The Garissa Kenya Medical Training College (KMTC),  Omar Osman ayaa ku dhawaaqay inay sababo dhinaca ammaanka darteed albaabadda u laabeen Jaamacadaasi.

Waxa uu sheegay inay go’aankaasi qaateen, kadib, markii Madaxa Ammaanka ee Garissa u sheegay inaysan haynin ciiddamo dheeraad ah oo la geeyo Machadkaasi, si ay u sugaan ammaanka.

“Waa nasiib xumo in Kulliyaddii Labaad ee ka hawlgasha gudaha W/bari ee Kenya si fudud loo xiro, waayo Dowladda ayaa dammaanad qaadi weyday ammaanka Ardayda” ayuu yiri Hormuudka Machadka Tababarka Caafimaadka ee Garissa, Omar Osman, wuxuuna intaasi ku daray inay in ka badan 250-arday wax ka bartaan halkaasi.

Waxa uu ka digay inay Garissa ka dhacaan weerar la mid ah ki iay Xarakadda Alshabaab bishan 2-dii ku qaadeen Jaamacadda Garissa oo ay ku geeriyoodeen 148-qof oo badankooda ahaa  Ardaydii Jaamacadda.

About Dalsan Editor

View all posts by Dalsan Editor