Nin ka mid ahaa Rakaab Diyaaradeed oo doonayey inuu si qarsoodi ah Diyaarad la raaco Shimbiro uu ku soo hoos qariyey Surwaalkiisa ayaa la qabtay.
Ninkaasi oo aan magaciisa la shaacinin ayaa la sheegay inuu doonayey inuu Shimbirahaasi u iib geeyo Jesiiradda Taiwan.
Saraakiisha Waaxda Canshuuraha ee Garoonka Caalamig ee diyaaradaha ee Nhat International Airport oo ku yaalla magaalladda Ho Chi Minh City ee dalka Vietnam ayaa la sheegay inay ninkaasi qabteen maalintii Isniinta ee la soo dhaafay.
Ninkaasi ayaa la sheegay inuu watay 18 Shimbiro Nool, oo uu qaarkooda ku hoos qariyey Surwaalkiisa, halka kuwo kale uu ku soo cabeeyey Shandadihii uu watay.
11 ka mid ah Shimbiraha lagu qabtay ninkaasi ayaa la sheegay inay ka mid ahaayeen  noocyadda aadka loo ilaaliyo ee laga baqanayo inay Caalamka ka dabar go’aan.
Waxaa Turjumay: Ahmed Hagi Ugaaska
©Radio Dalsan
