Aabahaasi oo ku nool Gobalka Telengana ee dalka Hindiya ayaa la sheegay inuu si ku-talagal ah u dilay gabadhiisa oo 13-jir ahayd.
Warbaahinta dalkaasi ayaa sheegay in Aabahaasi uu dilaym, kadibna gubay maydka gabadhiisa oo uu ku arkay iyadoo la hadlaysa Arday ay isku Digsi ahaayeen.
Aabaha waxa uu Boliska u sheegay inay gabadhiisa is-dishay oo ay nolosha isku gubtay.
Waalidka gabadhaasi ayaa sheegay inay dhowr jeer ku arkeen iyadoo la hadlaysa Wiilka, inakstoo ay gabadhooda ku fasirtay inuu iska ahaa wada-sheekeysi caadi ahaa.
Boliska ayaa sheegay inay Labada Waalid ka argagaxeen markii ay dileen gabadha, balse ay isku raaceen si aan loo ogaanin inay gaas ku bilbileen maydka gabadhooda.
Sidoo kale waxay kaloo Boliska sheegeen inay Labada Waalid xabsiga dhigeen, kadib, markii ay ku caddaatay inay iyagu ka dambeeyeen dilka gabadhooda.
Balse, baaritaano ay sameeyeen Dhakhaatiirta ku takhasustay Baritaanka Maydadka ayaa shaki geliyey inay gabadha is-gubtay.
Warbixin ay Dhakhaatiirta diyaariyeen ayey ku sheegeen inuusan wax ba ka jirin inay iyadu is-dishay, waxayna farta ku muuqeen in gabadha la ceejisay, maadaama uu carrabkeeda bannaanka u soo baxay
