Magaalada Gaalkacyo ee Xarunta Gobolka Mudug ayaa waxaa lagu qabtay kulan looga hadlaayay amniga Magaalada oo ay ka qeyb galeen Saraakiisha Ciidamada dowlad Goboleedka Puntland.
Inta uu socday kulanka ayaa waxaa diirada lagu saaray xoojinta wadashaqeynta laamaha amniga Magaalada Gaalkacyo iyo sidii loo dardar-gelin lahaa howlgalada lagu xaqiijinayo ammaanka.
Sidoo kale Saraakiisha Ciidanka Puntland ayaa iska xog-wareystay howlgaladii ugu dambeeyay ee laga fuliyay gudaha Magaalada, waxaana Saraakiisha ay sheegeen in la iska kaashado ka hortego weerarka ay geystaan Al-shabaab.
Waxaa kaloo Saraakiisha Ciidanka amniga dowlad Goboleedka Puntland isla garteen dardar-gelinta sugida amniga Magaalada Gaalkacyo ee Xarunta Gobolka Mudug, sidoo kalena la joogteeyo howlgalada lagu xaqiijinayo amniga.
Kulanka ayaa waxaa ka qeyb galaya mas’uuliyiinta Gobolka Mudug ee Maamulka Puntland oo ay wehliyaan Saraakiisha laamaha amniga heer federaal iyo heer Dowlad Goboleed, waxaana Gaalkacyo kala maamula Galmudug iyo Puntland.
