Howlgal ciidamadda kumaandooska xoogga dalka ay ka fuliyeen degaano ka tirsan gobolka Shabeellaha hoose ayaa la sheegay in lagu dilay xubno ka tirsan Alshabaab oo ay ku jiraan saraakiil sare.
Sida ay sheegeen saraakiisha ciidamadu howlgalkaan ayaa ka dhacay inta u dhexeysa degaanka janaale iyo degmada qoryooleey ee gobolka shabeelaha hoose iyaga oo tilmaamay in ay ku dileen 5-dagaalame oo ka tirsan Alshabaab.
Taliyaha Ciidanka dhulka xoogga dalka soomaaliyeed S/guuto Cabdixamiid Maxamed Dirir oo la hadlay Warbaahinta dowladda ayaa sheegay in ay dileen xubin sare oo ka tirsanaa Shabaab laguna magacaabi jiray Cabdi Muxsin Shiikh Xuseen ( Abuu bakar) iyada oo howlgalka lagu dilayna uu ka dhacay Degaanada Kabtan laas oo iyo tuulada buulo shiikh oo udhexeeysa deegaanka Janaale iyo dgmada qoryooleey ee gobolka shabeelaha hoose.
Taliyaha ciidanka dhulka ayaa shaaca ka qaaday in ay sii socon doonaan howlgalada ka dhanka ah Alshabaab,in kasta oo aysan aheyn markii ugu horeysay oo ay saraakiisha ciidamada dowladdu ay shegaan in ay dileen saraakiil ka tirsan Alshabaab.
