Wararka aan ka heleyno deegaan hoostega Magaalada Berbera ee Xarunta Gobolka Saaxil ee Somaliland ayaa waxaa ay sheegayaan in halkaas uu ka dhacay Shil gaari oo geystay khasaaro kala duwan.
Shilkaan ayaa waxaa uu yimid, kadib markii gaari nooca raaxada ah oo ku socday Xawaare uu mar qura ka baxay wadada laamiga ah, xili uu marayay deegaan lagu magacaabo Xamaas oo ka tirsan Magaalada Berbera.
Dad goobjoogayaal ayaa waxaa ay ku warrameen in Gaariga ay saarnaayeen 5 ruux, waxaana goobta ku geeriyooday hal qof, halka 4 kalena ay dhaawacyo soo gaareen, kuwaasi oo la geeyay Isbitaalka Berbera.
Dadka waxyeelada soo gaartay ayaa waxaa gurmad xoogan u sameeyay dadka goobta ka Agdhawaa, waxaana goobta laga jiiday gaariga oo Sawirro laga soo qaaday muujinayeen inuu qeyb ka burburay.
Degaano iyo degmooyin ka tirsan Somaliland ayaa waxaa horey sidaan oo kale uga dhacay shilal kala duwan oo geystay khasaaro dhimasho iyo dhaawac, iyadoona inta badan shilalka loo sababeeyo Darawalada oo gaadiidka xawaare ku wada.