Ciidaanka Kumaandooska Soomaaliya oo kaashanaysa Ciidanka Taliska Mareykanka ee qaaradda Afrika ee loo yaqaano Africom ayaa duqeyn diyaaradeed saacadihii lasoo dhaafay ka fuliyay Gobolka Shabeellaha Hoose.
Qoraal lagu daabacay Wakaaladda Wararka Soomaaliyeed ee SONNA ayaa waxaa lagu sheegay in duqeynta ay sigaar ah uga dhacday nawaaxiga Magaalada Kuunyo Barrow, waxaana lagu dilay laba xubnood oo ka tirsan Al-shabaab.
“Dowladda Federaalka iyo bahwadaageeda Mareynkanka ayaa si aad uga taxadara ilaalinta waxyeello soo gaarta dadka rayidka ah inta lagu gudajiro duqeymaha habeysan, Hubintii la sammeeyey ayaa lagu ogaaday in duqeynta dhacday aysan jirin cid shacab ah oo ku dhimatay ama ku ku dhaawacantay†ayaa lagu yiri qoraal kasoo baxay dowladda.
Ciidanka dowladda Federaalka iyo Taliska Mareykanka ee AFRICOM ayaa dhowr jeer duqeymo diyaaradeed ka fuliyay deegaano ka tirsan Gobolada dalka Soomaaliya, kuwaasi oo qaarkood la sheegay in lagu dilay xubno ka tirsan Al-shabaab, iyadoona ay xusid mudan tahay in duqeymaha qaarna lagu dilay dad shacab ah oo aan waxba galabsan.
