Sarkaal u hadlay Aqalka Cad ayaa sheegay inuu Madaxweyne Trump taageerayo Wada-hadalka Labadaas dhinac, xitaa haddii ay taasi ku jirin Xal Labo Dowladood oo si wadajir u wada nool.
Waxa uu intaasi ku daray inuusan Trump u yeerin doonin labada dhinac waxa uu xalku yahay, balse ay Nabaddu tahay hadafka ugu dambeeya.
Hadalkaasi ayaa ku soo beegmay, iyadoo uu Donald Trump maanta la kulmayo Ra’isul-wasaaraha Yuhuudda, Benjamiin Netayaahu.
Labada Hoggaamiye ayaa la sheegay inay ka wada hadli doonaan Xiriirka Labada Waddan, Qorshaha Maraykanka ay Safaaradooda ugu wareejin doonaan magaalladda Quddus-ta La-haysto iyo Barnaamijka Nukliyeerka Iiraan.
Dhinaca kale, Donald Trump waxa uu Ergayga Wada-xaajoodka Falastiin iyo Yuhuudda u magacaabay Jareed Kushner oo ay u dhaxdo gabar uu dhalay Trump.
©Radio Dalsan
