Wasiirka Wasaaradda Boostada iyo Isgaarsiinta Xukuumadda Soomaaliya ayaa ka jawaabay Go’aankii Maamulka Soomaaliland uu deegaanadiisa kaga joojiyay Astaanka Internet-ka Qaranka ee loo yaqaano .SO.
Shalay ayay tallaabadaas ku dhaqaaqeen Maamulka soomaaliland kadib markii Maalin ka hor dowladda Soomaaliya ay la soo wareegtay Hay’adda Isgaarsiinta Qaranka.
Wasiir Cabdi Cashuur Xasan oo Caawa Wareysi siiyay Radio Dalsan ayaa sheegay in Astaanka Qaranka Iternet-ka ay tahay mid kumiin u ah Bulsahda Soomaaliyeed,ha ahaadaan Jaamacadaha, Hay’addaha iyo dhamaan Ururrada dalka ka jira.
Waxa uu sheegay in go’anka ka soo baxay Maamulka Soomaaliland uu yahay mid qaldan,isla markaana Ummadda Soomaaliyeed meelkasto oo ay joogan ay xaq u leeyihiin si imana ay uag wada faa’iidestaan Isticmaalka.SO
“Soomaali kasta oo ku nool Jamhuuriyadda wuxuu xaq u leeyahay inuu adeegsado furaha taleefoonka (252) iyo kan internet-ka (.so). Waxaa sidoo kale xaq u leh qof, shirkad, ama hay’ad kasta oo dalka ka hawl gasha. Waa calaamad muujineysa juquraafi ahaan iyo aqoonsi ahaanba halka aad ku nooshahay, ka diiwaan gashan tahay ama ka shaqeyso”
Hoos Ka Dhageyso Wareysiga Wasiirka Boostada iyo Isgaarsiinta Soomaaliya.
