Shalay Wareegto ka soo baxday Xafiiska Madaxweynaha dowlad Goboleedka Hir-Shabeelle Cali Cabdullaahi(Cosoble) ayaa waxaa xilkii looga qaaday Wasiirka Wasaarada Maaliyada Maamulka hir-Shabeelle Maxamed Maxamuud Cabdulle.
Wasiirka oo Wareysi siiyay Radio Dalsan Xarunta Muqdisho ayaa sheegay in xilka sidiisaba uu yahay mid wareegto ah islamarkaana uu wax ka ogaa xilka qaadista lagu sameeyay taas bedelkeedana uu sugayo in meela kale oo muhiim ah loo dhiibo.
Waxaa la weeydiiyay Su’aal aheyd waxa xiligaan soo dedejiyay xilka qaadista lagu sameeyay ayaa waxa uu ku jawaabay.
“Horta Wasiirada Hir-Shabeelle qaarkood waa Xildhibaano aniga xildhibaan maahi khilaafka iyo mooshinadii socday aniga saameyn kuma lihi aniga macodsan in xilka leyga qaado balse madaxweynaha ayaa ii arkay in uu meelo kale ii wareejiyo taasina aan ka wada hadalnay ayuu yiri Maxamed Maxamuud Cabdulle wasiirkii Maaliyada Maamulka Hir-Shabeelle ee shalay xilka laga qaaday.
Ugu dambeen waxa uu ugu baaqay Wasiirada kale ee ka tirsan maamulka Hir-Shabeelle in xilkaan uu yahay meerto islamarkaana la doonayo hadii xilka laga qaado ay si Nabad ah ku wareejiyaan.
Hoos Ka Dhageyso Codka