Magaalada Muqdisho waxaa Maanta ka dhacay  shir u dhaxeeyay Wasaarada Dastuurka Soomaaliya Masuuliyiinteeda  iyo Msuuliyiinta Maamulka Gobolka Banaadir.
Shirkan ayaa loogu magacdaray Ololaha hanaanka dib u eegista Dastuurka ayaa waxaa goob joog ka ah masuuliyiin ay ka mid yihiin Wasiirka Dastuurka Soomaaliya Cabdiraxmaan xXoosh Jibriil iyo Gudoomiyaha Gobolka Banaadir Thaabit Cabdi Maxamed.
Gudoomiyaha Gobolka Banaadir ahna duqa Muqdisho Thaabit Cabdi Maxamed ayaa sheegay in dib u eegis lagu sameeyo Dastuurka dalka ay tahay masuuliyad weyn oo u baahan in la qaado.
Waxa uu uga mahadceliyay Wadatashiyada uu wasiir xoosh kala yeelanayo Bulshda dib u eegis lagu sameeyo Dastuurka dalka maamul goboleedyada dalka ka jira waxa uuna ku booriyay in uu dadaalkaas siiwado.
Dhanka kale Wasiirka Wasaarada Dastuurka Soomaaliya Cabdiraxmaan Xoosh Jibriil oo isna kulanka ka hadlay ayaa sheegay in shirkaan uu yahay mid lagu dardargelinayo dib u eegista Dastuurka Soomaliya dhawaana la horgeyn doono labad gole ee dowladda
Waxa uu sheegay in ay ku dadaalayasn sidii looga gudbi lahaa Dastuurka Soomaaliya oo qabyo ah,muhiimna ay tahay in Soomaaliland ay qeyb ka noqoto.
Hoos Ka Dhageyso Codadka Masuuliyiinta
