Dhageyso:-Madaxweynaha Jubbaland oo faah faahiyay dagaalka ka dhanka ah Shabaab ee Jubbooyinka

Madaxweynaha Maamulka Jubbaland Axmed Maxamed Islaam(Maodobe) oo ku sugan degmada Afmadoow ee Gobolka Jubbada Hoose ayaa faah faahin ka bixiyay howlgalka ka dhanka ah Shabaab ee uu ka wado Gobolada Jubbaland.

Madaxweynahu wuxuu sheegay in Ciidamada Jubbaland oo dhan ay howlgalkan fulinayaan ayna u diyaarsan yihiin iyadoo si wadajir ah loo bilaabaya howlgalo qorshaysan oo marka hore cadowga lagu naafaynayo taas oo dhabaha u xaaraysa in la jabiyo Shacabka ayuu sheegay Madaxweynahu in ay Ciidamada u yeedhayaan oo ay leeyahiin noo kaalaya sidaas darteedna ayna jirin sabab looga sii maqnaado.

Xarun Cusub oo tababar ayuu sheegay in la hirgalinayo inta uu howlgalkan socdo iyadoo dib u habayn iyo qaabayn lagu samayn doono dhamaan Ciidamada Dowlada Dagaalka Shabaab  lagu qaadi doono ayuu Madaxweynahu hoosta ka xariiqay in dhinacyo badan laga fulin doono sida deegamada Xeebaha ku teedsan iyo Gobolka Jubbada Dhexe oo kol dhow gacanta soo gali doona sida uu Madaxweynahu sheegay.

Hoos Ka Dhageyso Codka Madaxweynaha Jubbaland.

Comments
Loading...