War Goordhow soo gaaray Idaacada Dalsan ee Magaalada Muqdisho ayaa waxaa uu sheegaya in Ciidanka amniga ay gacanta ku dhigeen Askarigii Maanta Darawal Mooto Bajaajle ahaa ku dilay Isgoyska Tarabuunka ee Degmada Hodan ee Gobolka Banaadir.
Ciidamo ka tirsan kuwa Booliska Soomaaliya ayaa ku guuleystay inay soo qabtaan askarigaas oo ka tirsan Booliska dowladda ee falka dilka ah geystay,isla markaana xiray.
Barqanimadii Maanta ayaa Darawal Mooto Bajaajle ahaa waxaa uu ku dilay Isgoyska Tarabuunka,kadib markii uu muran soo kala dhexgalay isaga iyo marxuumka geeriyooday.
Magaalada Muqdisho ayaa waxaa muddooyinkii dambe kusoo badanayay dilalka loo geystay dhalinyarada ku shaqeysatada Mooto Bajaajta,iyadoo dhowr jeer oo horey dilal loo geystay ay ka hadleen Mas’uuliyiinta dowladda oo balan qaaday in askarta ka dambeeysa falalkaas gacanta lagu soo dhigi doono.