Wararka ka imaanaya deegaano ka tirsan gobolka Hiiraan ayaa sheegaya in maanta halkaas ay ka qarxeen dagaalo u dhaxeeya laba maleeshiye beeleed kuwaas oo ay ka dhasheen khasaare iskugu jira dhimasho iyo dhaawac soo kala gaaray dhinacyada dagalamaya.
Sida uu ku soo waramay weriyaha dalsan ee gobolka Hiiraan Mustaf Cali Cadow dagaaladaan ayaa ka socda deegaano hoostaga degmada Matabaan ee gobolka Hiiraan waxaana dagaaladaan oo la isku adeegsanayo hubka noocyadiisa kala duwan ka dhashay khasaare xooggan.
Inta la xaqiijiyay ku dhawaad 15-ruux oo dhinacyada dagaalamaya ayaa ku dhintay tiro intaas ka badana waa ay ku dhaawacmeen welina waxaa la maqlayaa rasaas culus oo ka dhaceysa deegaanada,ma jirto cid ku baxday iayada oo dhowr jeer ay dagaal beeleedyo ay ka dhaceen deegaanadaan.
