Ciidanka Booliska oo Muqdisho ku qabtay Wiil kamid ahaa Rag tacadi u geystay Gabar

Ciidanka Booliska dowladda Federaalka ayaa gacanta kusoo dhigay wiil ka mid ah saddex dhalinyaro oo fal tacadi ah degmada Baardheere ee Gobolka Gedo ugu geystay gabar dhallinyaro ah, taasi oo muuqaal laga duubay lagu baahiyay baraha bulshada.

Afhayeenka ciidamada Booliska Sadiiq Aadan Cali Doodishe oo warbaahinta la hadlay ayaa waxaa uu sheegay in ciidamada ammaanka ay Muqdisho ku qabteen wiilka oo kamid ahaa saddexda dhallinyarada ee falka u geystay gabadha oo 20-sanno jir ah.

Eedeysanaha oo lagu magacaabo Maxamed Cali Maxamed, kana soo qabsaday Baardheere ayuu Afhayeenka sheegay in laga soo qabtay degmada Waaberi, ayna soo qabashadiisa ay iska kaashadeen Taliska Booliska dowladda iyo kuwa Baardheere.

Afhayeen Sadiiq ayaa intaas hadalkiisa kusii daray in ciidanka ammaanka ay ku raad-joogaan sidii loo soo qaban lahaa labada wiil kale oo baxsaday, wuxuuna shacabka ku wargeliyey Afhayeen in wiilkaan lagu wareejin doono hay’addaha Garsoorka.

Dhinaca kale Afhayeenka ciidamada Booliska dowladda ayaa sheegay in lasoo qabtay isna Askari ka tirsan ciidanka Booliska oo gelinkii dambe ee shalay magaalada Muqdisho ku dilay darawal Mooto Bajaaj, isagoo xusay in sharciga la horgeyn doono.

About Dalsan Editor

View all posts by Dalsan Editor