Al-Shabaab ayaa war kasoo baxay waxaa lagu shaaciyay inay bilaabayaan  dagaal Cusub oo ay la galayaan dagaalamayaasha Daacish qeybtooda ka howlgasha dalka Soomaaliya.
War-Saxaafadeed kasoo baxay hoggaanka Sare ee Al-Shabaab,isla markaana uu Warbaahinta u akhriyay  Afhayeenka Guud ee Al-Shabaab Cali Dheere ayaa waxaa lagu sheegay n Daacish doonayaan inay khilaaf ka dhex abuuraan Gudaha Al-Shabaab.
Al-Shabaab Daacish ayaa waxa ay ka mid yihiin  kooxaha kasoo horjeeda dowladda federaalka,hayeeshee haatan ay u muuqataa inay dagaal dhankooda ah uu bilaawday.
Sidoo kale Al-Shabaab ayaa waxa ay sheegeen in Kooxda Daacish ay bilaawday inay gaaleeysiiyaan dad Muslimiinta ah,isla markaana ay baneysteen dhiigooda waa sida ay hadalka u dhigeene.
Ugu dambeyn waxaa Warka kasoo baxay Al-Shabaab lagu sheegay in dhowr jeer ay indhaha ka laabteen dhibaatooyinka Kooxda Daacish,balse taasi ay haatan dhamaatay,waxaana ay ku dhawaaqeen dagaal ka dhan ah Kooxda Daacish.
Kooxda Daacish ayaa inta badan ku xoogan Gobolka Bari ee deegaanada Puntland,waxaana war shalay kasoo baxay Xukumadda Soomaaliya lagu sheegay in Daacish ay soo galeen gobolo badan oo ka mid ah Soomaaliya.
