Wararka aan ka heleyno Gobolka Hiiraan ayaa waxaa ay sheegayaan in Kolonyo ka tirsan Ciidamada AMISOM gaar ahaan kuwa Jabuuti laga celiyay degmo ka tirsanaa Gobolkaas.
Ciidamo ka tirsan Ahlusunna ayaa waxaa la sheegay in Kolonyada ay la socdeen Ciidamada AMISOM oo ka soo baxay Magaalada Baladweyne ay ku celiyeen deegaan lagu magacaabo Janta Guundisho oo ka tirsan Gobolka Hiiraan.
Ciidanka Jabuuti ayaa doonayay inay guhaha soo galaan Degmada matabaan ee isla gobolkaas,hayeeshee lagu sameeyay is hor istaag,waxaana haatan ay ku sugan yihiin deegaanka Janta Guundisho.
Wararka ayaa intaasi ku daraya in haatan deegaanka Janta Guundisho ay ka taagan tahay xiisad dagaal oo u dhexeysa Ahlsunna iyo Ciidankii Jabuuti ee kasoo baxay Baladweyne.
Sidoo kale Ahlusunna Waljameeca ayaa la tilmaamay in Ciidamo badan ay geysay Wadooyinka soo gala iyo kuwa kabaxa degmada Degmada Matabaan ee Gobalka HIiraan.
Ilaa iyo hada lama oga wax sababay in Ahlsunna ay ishor istaag ku sameeyaan Kolonyo ka tirsan Ciidamada AMISOM gaar ahaan kuwa Jabuuti,kuwaasi oo kasoo ambabaxay Magaalada Baladweyne oo ku leeyihiin Saldhig Ciidan.
