Madaxweynaha cusub ee Maxamed Cabdullaahi Maxamed Farmaajo ayaa maanta lagu wadaa in lagu caleema saaro magaalada muqdisho gaar ahaan xarunta ciiddamada cirka ee Afisiyooni taasi oo ay kasoo qeybgalyaan madax iyo wufuud kale.
Waxaa lagu wadaa inay sitoos ah uga bilaabato barqada maanta xarunta Afisiyooni waxaana gudoomiyaha guddiga qabanqaabada xaflada caleema saarka maadaxweynaha Cabdiraxmaan Ceynte uu sheegay inay toos ubilaaban doonto marka ay soo dhameestirmaan madaxda iyo wufuuda ka qeyb galeysa munaasabada oo lafilayo goordhow inay soo gaaraan Muqdisho.
Wasiir Cabdiraxmaan Ceynte waxaa uu tilmaamay inay noqon doonto xaflada mid kooban islamarkaana Seddex saacadood ugu badnaan ay socon doonto.
Waxaa lagu wadaa inay ka qeyb galaan madaxweynayaal ka imaanaya dowladaha saaxibka la ah Soomaaliya iyo wufuud caalami ah iyadoo amaanka aad loo adkeeyey islamarkaana loo xiray caleema saarka dartii wadooyinka muqdisho iyo garoonka diyaaradaha oo maanta hakad lagaliyey dulimaadyadii kasoo dagi jiray garoonka Aadan Cadde ee Muqdisho si loo hubiyo amaanka inta ay socoto xafalada caleema saarka madaxweyne Farmaajo.
