Maxkamad ku taalla dalkaasi waxay shalay xukun ku riday Saxafi lagu eedeeyey inuu aflagaadeeyey Madaxweynaha dalkaasi, Aleskandr Lukashenko.
Xeer-beegtida Maxkamadda waxay Saxafiga ku soo oogtay inuu tirtirtay Qoraal uu ku aflagaadeeyey Madaxweynha oo uu soo dhigay Qeybta Wada-sheekeysiga Barta Bulshadda ee Viber-ka sanadkii hore.
Weriye Siyarhey Hardaziyefej oo 50 jir ah waxaa lagu xukumay Xabsi dhan 18 bilood iyo ganaax lacageed oo dhan 1,600 oo Dollar.
Ururka Suxufiyiinta dalkaasi waxay cambaareeyeen Xukunka ka dhanka ah Saxfigaasi oo deegaan ahaan ka soo jeeda Degmadda Darahijyan oo masaafo ahaan 300 KM dhanka K/Galbeed kaga toosan Caasimadda dalkaasi ee Minisk.
Dhinaca kale, Xarunta Xuquuqda Aadanaha ee dalkaasi waxay caddeeyeen inuu Saxafiga la xiray yahay Maxbuus Siyaasadeed.
Dalka Belarus waxaa haatan ku xiran 29 Saxafi, kuwaasi oo qaarkooda Xukun-sugayal ah, halka kuwa kalena la xukumay.
