Wararka aan ka heleyno degmada Dangorayo ee gobolka Nugaal ee Maamulka Puntland ayaa sheegaya in halkaasi uu barqanimadii Maanta uu ka dhacay shil gaari, kadib markii gaari nooca xamuulka qaada ah uu rogmaday.
Gaariga xamuulka oo kasoo baxay magaalada Bosaaso ayaa waxa uu ku socday Magaalada Garoowe, isla markaana inta uu ku socdaalayay waada gaar ahaan degmada Dangorayo ayuu mar qora ka baxay wadada, uuna sidaasi ku rogmaday.
Sawirro laga soo qaaday goobta uu shilka ka dhacay ayaa muujinaya in gaariga xamuulka ah uu siday raashin farabadan, burburka gaariga iyo hantida marka laga yimaado ma jiraan wax dhimasho iyo dhaawac ah.
Shilkaan ayaa ku soo beegmaya kadib markii xalay Roobab daadad wata ay ka da’een Gobalada Puntland, gaar ahaan Gobalka Nugaal, isla markaana waddooyinka qaarkood uu gaaray burbur iyo kala go’ jidadka ay maraan gaadiidka noocyadiisa kala duwan.
