Warar kala duwan ayaa ka soo baxaya dagaal geystay Khasaaro isugu jira dhimasho iyo dhaawac oo saakay ka qarxay deegaanka Taragaduud oo hoostaga Magaalada Dhuusamareeb ee Caasimadda maamulka Galmudug.
Dagaalkan ayaa waxaa uu dhexmaray laba Maleeshiyo beeleed oo halkaasi wada dega,isla markaana waxaa la sheegay in dagaalka uu ahaa mid culus oo la isku adeegsaday hubka noocyadiisa kala duwan.
Ugu yaraan ilaa iyo 6 ruux ayaa lagu soo waramayaa in dagaalkaas ay ku geeriyoodeen oo labada dhinac ah,halka tirro kalena ay dhaawacmeen,wallo haatan xoogaa yar uu istaagay dagaalkaas.
Dadkii ku dhaawacmay goobta ay Colaada ka socoto ayaa waxaa loo soo qaaday dhanka Magaalada Dhuusamareeb si Isbitaalada ku yaalla loogu dabiibo.
Dhinaca kale deegaanka Taragaduud uu si gaar ah uga socda dagaalka u dhexeeya Maleeshiyo beeleedka ayaa waxaa aad u adeg in la helo Isgaarsiintii halkaas ka jirtay.
Ilaa iyo hada ma jirto cid laga dhexgashay labada dhinac sida uu soo sheegayo wariyaha Warbaahinta Dalsan ee ku sugan Magaalada Dhuusamareeb,iyagoona weli is hor fadhiga.
