Allaha U Naxariistee, Axmed Darwiish oo ah Suxufi caan ah oo ka shaqeyn jirey Telefishinka KTN ayaa xalay ku geeriyooday Isbitaal ku yaalla Nairobi, kadib, markii uu si kedis ah u xanuunsaday.
Marxuumka waxa uu keligiisa deganaa Dhismo ku yaalla Xaafadda South C ee magaalladda Nairobi.
Saaxiibadiisa waxay sheegaan inuu qabay cuddurka Macaanka (Diabetes).
Waxaa la sheegay inuu Marxuumka xalay ku qornaa inuu akhriyo Warkii Telefishinka KTN ee 7-dii Fiidnimo ee xalay.
Walaalkiisa, Khamiis Darwiish  ayaa Warkan Naxdinta leh ku shaaciyey Boggiisa Facebook.
Maydka Marxuumka ayaa la filayaa in loo duuliyo Mombasa, si loogu aaso Deegaanka uu ka soo jeedo ee Mtopanga.
Marxuumka waxaa salaadda Janaasadda lagula tukanayaa Masjidka Memoom ee magaalladda Mombasa salaadda casir kadib, waxaana lagu aasi doonaa Qabuuraha Islaamka ee Kikowani Baadal Islamic Cemetery ee magaalladda Mombasa.
Guddoomiyaha Mombasa, Hassan Joho ayaa Farriinta Tacsida soo dhigay Bartiisa Facebook.
Sidoo kale, Saxafi Rug-caddaaga Kenya ee Yassin Juma ayaa ammaanay dadnimadda Weriyaha geeriyooday, wuxuuna Farriintiisa ku yiri: “Waxaad dhimatay horteenna, Ilaahay ha kuugu xafido halka uu wanaagu yaalloâ€.
Si kastaba ha ahaatee, Malaayiinta Daawadayaasha KTN waxay xusuusan doonaan Hal-ku-dhegga uu caanka ku ahaa marka uu akhrinayo  Warka The KTN Leo news bulletin.
Waxaana uu ku caan ahaa inuu ku furo Erayaddan: “….. Ni furaha ilioje mpenzi mtazamaji tunapojiunga nawe papa hapa kwenye taarifa za ktn Leo wikendi…hujambo na Karibu…wanakkwetu wananiita Ahmed Darwesh….. Kwanza tupate vidokezo….â€
Sidoo kale, Axmed Darwiish waxa uu ahaa Columnist wax ku qora Wargeyska The Nairobian.
Allaha U Naxariisto, War-akhriye Axmed Darwiish oo ka tirsanaa Telefishinka Kenya ee KTN.
  Â
