Waxaa Inta badan Maanta Wadooyinkena ay xiran yihiin Magaalada Muqdisho,iyada oo lagu waday in uu furmo kulanka Golaha Shacabka Soomaaliya wallow codsi ka yimid Madaxweyne Farmaajo uu kulankaas u baaqday.
Wadooyinka ayaa waxaa lagu arkayaa Ciidamada Dowladda oo wata Gaadiidka dagaalka kuwaas oo Wadooyinka qaar u diidaya in ay maraan Gaadiidka noocyadiisa kala duwan waliba Gaadiidka qaar oo ay wataan Madaxda Dowladda.
Dadka Muqdisho qaarkood ayaa Dalsan waxa ay u sheegeen in Maanta ay cagtooda maalayaan,waxana Wadooyinka xiran ka mid ah Wadada Maka Al-Mukarama qeybo ka mid ah Wadada Wadnaha iyo Wadooyin kale oo muhiim ah.
In kastoo dowladda Soomaaliya aysan shaacin sababta Wadooyinka loo xiray ayaa hadana waxaa loo badinayay kulanka Golaha Shacabka ee lagu waday in uu Maanta furmo,waxaana Warar kale oo haatan soo baxaya ay sheegaayan in Wadooyinka intooda badan la furayo maadaama kulankii Baarlaamanka uu baaqday.
