Somalia iyo QM oo ka wada hadlay horumarinta Sanduuqa wadajirka ah ee Somalia

Wasiirka wasaaradda qrsheynta, maalgashiga iyo horumarinta dhaqalaaha xukuumadda federaalka Soomaaliya Maxamuud Cabdiraxmaan Sheekh Faarax (Beenebeene) iyo ku-simaha ku-xigeenka wakiilka gaarka ah ee QM u qaabilsan Soomaaliya George Conway ayaa si wadajir ah u guddoominay kulankii ugu horeeyay ee kooxda maareynta Sanduuqa Wadajirka ah ee Soomaaliya.

Shirka ayaa looga hadlay sida ugu habboon ee loo kala horreysiin karo, lana iskugu-dubbaridi lahaa dhaqalaaha Sanduuqa Wadajirka ee Soomaaliya si loo xaqiijiyo in ay saameyn wanaagsan ku yeeshaan shacabka Soomaaliyeed.

Ku-simaha ku-xigeenka wakiilka gaarka ah ee QM u qaabilsan Soomaaliya George Conway ayaa sheegay in dowladda Federaalka Soomaaliya ay ka taageeri doonaan dhaqalaaha Sanduuqa Wadajirka ee Soomaaliya.

Shirka ayaa waxaa ka soo qeybgalay wasiiru Dowlaha xafiiska Ra’iisal wasaaraha Soomaaliya XFS Xirsi Gaani, Agaasmiga guud ee Wasaaradda maaliyadda Suleymaan Cumar iyo wakiillo ka kala socday Saaxiibada Soomaaliya sida Switzerland iyo Norway.

About Dalsan Editor

View all posts by Dalsan Editor