Ra’iisul Wasaaraha Soomaaliya Xasan Cali Kheyre ayaa si kulul uga hadlay qarixii khasaaraha geystay ee shalay Gelinkii dambe ka dhacay maqaaxi ka soo horjeeda hotelka Wehliye ee Wadada Maka Almukarama.
“Waxaan ka tacsineynayaa aniga oo ku hadlaya Magaca Xukuumadda Soomaaliya dadkii ku dhintay qarixii shalay ka dhacay agagaarka hotelka Wehliye Wadada Makala Almukarama,waxana qaraxaas geystay cadawgeena oo caadeystay dhibaateynta shacabka,iyaga oo adeegsanaya xeelado kala duwan ayuu yiri Ra’iisul Wasaare kheyre”
Sidoo kale Ra’iisul Wasaare Kheyre ayaa ku amray laamaha amniga Soomaaliya in ay baaraan qaabkii xarumaha baarista Ciidamada uu ku soo dhaafay gaarigaas,isla markaana uu jiri doono isla-xisabtan dhab ah.
Sikastaba qarixii shalay gelinkii dambe ka dhacay afaafka hore ee Hotelka Wehliye ayaa Wasaaradda Amniga ay sheegtay in ay ku geeriyoodeen 14 ruux halka 6 kale ay ku dhaawacmeen wallow la sheegayo in khasaaraha uu intaas ka badan yahay.
