Qoorqoor oo diiday dalab uga yimid Guddoomiyaha Barlamaanka Galmudug

Warar lagu kasloonaan karo oo la helayo ayaa sheegaya in Madaxweynaha Maamulka Galmudug Axmed Cabdi Kaariye Qoorqoor uu diiday dalab uu u gudbiyay Guddoomiyaha Baarlamaanka maamulkaas oo ku aadan Khilaaf kala dhexeeya Xildhibaanada.

Guddoomiye Maxamed Nuur GacalÂ ayaa Madaxweyne Qoorqoor ka Codsaday inuu soo fara-geliyo Khilaaf xoogan oo soo kala dhexgalay isaga iyo Xildhibaanada Baarlamaanka Galmudug, kaasi oo la sheegay inuu gaaray meel adeg.

Ilo-wareedyo ayaa tilmaamay in Madaxweyne Qooqroor uu u sheegay Guddoomiyaha Baarlamaanka Galmudug in arimaha Baarlamaanka ka dhex jira laga rabo inay iyagu xalistaan, hayeeshee uusan fara-gelin ku sameeyn karin.

Xildhibaanadii ugu badnaa ayaa ku sugan Caasimadda Galmudug, waxaana la sheegayaa inay soo saari doonaan War ku aadan Guddoomiye Maxamed Nuur Gacal oo khilaaf xoogan haatan kala dhexeeyo.

Khilaafka soo kala dhex-galay Xildhibaanada iyo Guddoomiye Gacal ayaa waxaa uu kusoo aadayaa, xili Madaxweynaha Galmudug Axmed Cabdi Kaariye Qoorqoor iyo ku-xigeenkiisa Cali Daahir Ciid ay ku sugan yihiin Magaalada Muqdisho ee Caasimadda dalka.

Radio Dalsan

Radio Station

Radio Dalsan was established in April 2012 in Mogadishu, Somalia with FM frequency 91.5MHz . The radio is registered with the federal ministry of information in Somalia. Dalsan is an independent and autonomous FM Radio station. The radio broadcasts for 18 hours in Somalia and also the Radio is on satellite broadcasting to Africa and Asia.