Nin u dhashay Liibiya oo laga helay Keymaha gubanaya ee Amazon

Muwaadinkaas oo lagu magacaabo Xuseen Cumar Xuseen ayaa la sheegay inuu in ka badan 7 sano keligiisa ku noolaa Kaymahaas oo ku yaalla dalka Brazil.

Sida laga soo xigtay Warbaahinta Brazil waxa uu Ninkaasi si keli ah ugu dhex noolaa Kaymahaasi, kadib, markii laga dhacay dhamaan Lacagihii iyo Dukumentiyadii uu lahaa.

Boliska dalka Brazil ayaa la sheegay inay ninkaasi maalmo la hor ka heleen Kaymaha gubanayo ee Amazon, waxayna la xiriireen Safaaradda Liibiya ku leeyahay Brazil si ay ugu fududeeyaan in dib loogu celio dalkiisa hooyo.

Xuseen Cumar Xuseen ayaa la sheegay inuu markiisii hore ka soo ambabaxay dalka Liibiya sanadkii 1995-kii, oo uu tegay Jarmalka,  halkaasi oo uu ku noolaa tan iyo sanadkii 2012-kii.

Waxa uu u sii gudbay dalka Brazil isla sanadkaasi, halkaasi oo uu isagoo joogay dhowr bilood ay ka lumeen dhamaan wixii uu shaqsi ahaan u u qaatay.

Si kastaba ha ahaatee, lama sheegin dalka uu ku haminayey inuu Brazil kaga sii gudbo, ka hor inta aan la dhicin.

Comments
Loading...