Taliyaha Guud ee Boliska Kenya, Joseph Boientt ayaa sheegay inay nin lala xiriirinayo Alshabaabkii dagaalamay ku qabteen Degmadda Fooy.
Isagoo Suxufiyiinta kula hadlay magaalladda Mombasa ayaa waxa uu tilmaamay in la qabtay Eedeysanaha xilli uu doonayey inuu iska soo dhayo dhaawac rasaaseed, waa sida uu hadalka u yiri.
Waxa uu intaasi ku daray in Eedeysanaha uu sheegay inay dhaawacyadda rasaasta ku soo dheceen xilli uu ku sugnaa dalka Koonfurta Afrika.
Taliyaha Guud ee Boliska Kenya, waxa kaloo uu sheegay inay heleen Muuqaal Video oo ay Dagaalamayaasha Alshabaab ka duubeen iska horimaadkii ay Axaddii hore la galeen Ciiddanka Kenya, wuxuuna intaasi ku daray inay ka heli doonaan xogta ku aadan sawiradda Dagaalamayaashii ka qeyb galay iska horimaadkaasi, waa sida uu hadalka u dhigay.
Dhinaca kale, Wasaaradda Arrimaha Gudaha ee Kenya ayaa soo bandhigay Sawirradda Dagaalamayaal Alshabaab oo ay sheegeen inay qeyb ka ahaayeen dagaalkii ka dhacay duleedka Laamu.
Waxaa sawiradda la baahiyey ka mid ahaa Muwaadin u dhashay dalka Jarmalka oo lagu magacaabo Ahmed Muller, kaasi oo ay Dowladda Kenya madaxiisa dul-dhigtay abaalmarin dhan 100,000 oo Dollar.
Xigasho: Standardmedia
© Warqabadka Radio Dalsan
