Wargeyska Al-ra’yi ee ka soo baxa dalka Kuweyt ayaa maanta qoray in ay Maleeshiyadda qorsheynayeen qaraxyo ay la beegsadaan Ciiddanka Maraykanka ee ku sugan gudaha Kuwayt.
Wargeyska oo soo xigtay ilo dhinaca Ammanka ayaa qoray inay Maleeshiyadaasi qorsheynayeen Weerar Is-qarxin ah oo ay ka geystan Deegaanka Xusayniyah ama Hool ay ku kulmaan dadka Shiicadda ee ku nool Kuweyt.
Wargeyska Al-ra’yi waxa kale oo uu qoray in la xiray Macallin u dhashay dalka Syria oo dhiga Maadada Kimistiriga, kaasi oo la tuhunsan yahay inuu ku lug lahaa qorshaha Daacish.=
Dhinaca kale, Ciiddanka Ammaanka ee Filibiin waxay sheegeen inay bishii hore 25-kii gacanta ku dhigeen Labo nin oo u kala dhashay Kuwayt iyo Syria, kuwaasi oo muddo 3 bilood ka hor socdaal ku tagay caasimadda dalkaasi ee Maniila.
©Radio Dalsan
