Pakistan oo xukun ku riday Sarkaal ka tirsan Sirdoonka Hindiya oo maalgelin jirey Kooxaha Argagixisadda

Maxkamad Milliteri oo ay leeyihiin Milliteriga Pakistan waxay maanta Xukun dil ah ku xukuntay Sarkaal ka tirsanaa Sirdoonka Hindiya, kaasi oo lagu helay Basaasinimo iyo Kharbudaad.

Ninkaasi oo lagu magacaabo Kulbushan Jadhav ayaa la xiray Bishii March ee sannadkii hore,wuxuuna taageero iyo maalgelin siin jirey Dhqdhqaaqyadda Argagixisadda ee ka dhaca Gobalka Balojistaan iyo magaalladda Dekedda leh ee Karachi oo ku yalla Koonfurta Pakistan.

Jeneral Qamer Jvad Bajwa oo ka tirsan Milliteriga Pakistan ayaa xaqiijiyey Xukunka dilka ee lagu riday Ninkaasi, balse lama sheegin xilliga la toogan doono.

Dhinaca kale, Milliteriga Pakistan waxay soo bandhigeen Muuqaal Video oo muujinaya falalka lagu soo oogay Eedeysanhaasi.

Dowladda Hindiya waxay beenisay inuu Sarkaalkaasi ahaa Basaas, waxayna Xukunka dilka ee lagu xukumay ku sheegtay Xukun Dil oo la soo qorsheeyey.

©Radio Dalsan

About Bilan Media

Bilan is Somalia’s first ever all-women media team. Staffed and run entirely by women with full editorial independence, the unit covers hard news and in-depth features, holding leaders to account and making sure the media represents all citizens, men and women, weak and powerful, rich and poor.

View all posts by Bilan Media