Madaxweynaha Maamulka Somaliland, Muuse Biixi Cabdi ayaa waxa uu wareegto Madaxweyne uu Cafis Guud ugu fidiyey, Maxaabiista dembiyada fudud ku xukuman ee ku xiran xabsiyada Somaliland.
Wareegto uu soo saaray Madaxweyne Muuse Bixii ayaa waxa uu Cafis ugu fidiyey maxaabiis tiradoodu dhan tahay 388 Saddex Boqol, Siddeed iyo Siddeetan, kuwaasi oo horey ugu xukunaa dembiyo fudud.
“Laga bilaabo taariikhda maanta aan Cafis Guud u fidiyo, munaasibadda curashada sannadka cusub ee Islaamka awgeed, maxaabiista dembiyada fudud ku xukuman ee xabsiyada Somaliland ku xiran” ayuu yiri Madaxweyne Muuse Biixi Cabdi.
Cafiska uu sameeyay Madaxweynaha Somaliland ayuu sheegay in uusan saamayn ku laheyn xuquuqda madaniga ah iyo raadka ciqaabeed ee ka dhalanaya dembiyadda ay ku xukunnaayeen, waxaana cafiskan fulinaya Xafiiska Xeer Ilaaliyaha Guud ee Maamulka.
