Madaxweyne Peter Muthariko oo 76 jir laguma arkin meel fagaare muddo bil ah, isagoo socdaal caafimaad ku tegay dalka Maraykanka.
Madaxweynaha Malawi oo shalay dib ugu laabtay caasimadda dalkiisa ee Lilonge ayaa sheegay inuu aad u caafimaad qabo, isla markaana uu 9 naf leeyahay, waa sida uu kula kaftamay Weriyayayaasha.
Waxa uu Suxufiyiinta u sheegay inuusan awoodi Karin inuu isticmaalo gacantiisa midig, sababo la xiriira xoogaa Lafa-xanuun ama Rumatisim.
Dhinaca kale, Madaxweyne Peter Muthariko oo ahaan jirey Qareen ayaa waxaa sannadkii 2014-kii loo doortay Xilka Madaxweynaha inuu hayo muddo 5 sanno ah.
©Radio Dalsan
