عقد خادم الحرمين الشريفين الملك سلمان بن عبدالعزيز آل سعود – حفظه الله – في قصر اليمامة بالرياض اليوم، جلسة مباحثات رسمية مع فخامة الرئيس محمد عبدالله فرماجو رئيس جمهورية الصومال الفدرالية.
Wararka naga soo gaarayo Caasimadda dalka Sacuudiga ee Riyadh ayaa sheegayo in Boqor Salmaan Bin C/casiis iyo Madaxweynaha JFS, Maxamed C/llaahi Farmaajo ay Kulan Rasmi ah ku yeesheen Qasriga Al-yamaamah.
Kulankaasi waxaa looga hadlay Iskaashiga Labada dal iyo Dhacdooyinka Gobalka.
Wafdiga Sacuudiga ee ka qeyb galay Shirkaasi waxaa ka mid ah Dhaxal-sugaha Boqortooyadda, Amiiro, Wasiiradda Arrimaha Gudaha, Dibedda, Maaliyadda, Warfaafinta, Awqaafta iyo Borotoolka Boqortooyadda.
Dhinaca kale, Madaxweyne Farmaajo waxaa Kulankaasi ku wehliyey Wasiirka Arrimaha Dibedda iyo Maalgashiga Caalamiga, C/salaam Hadliye, La-taliyayaasha Madaxweyne Farmaajo, sida Fahad Yaasiin, C/risaaq Axmed, Agaasimaha Madaxtooyadda, Taabid Cabdi Maxamed iyo Safiirka Somalia u jooga Scuudiga, Daahir Maxamuud Geelle.
Si kastaba ha ahaatee, Kulanka Madaxweynaha oo ahaa kii ugu horreeyey waxaa garbihiisa buuxiyey La-taliyayaashiisa, gaar ahaan Fahad Yaasiin oo aad ugu xeel-dheer xagga Ololeynta Doorashooyinka, isagoo sannadkan kaalin ka qaatay guusha Madaxweyne Farmaajo.
Fahad Yaasiin oo ah Saxafi u shaqeyn jirey Aljazeera TV ayaa rajo ka qaba in loo magacaabi doono Xilka Wasiirka Warfaafinta ee Xukuumadda Ra’isul-wasaare Xasan Cali Kheyre.
Xuquuqda Warbixinta waa mid khaas u ah Radio Dalsan
©Radio Dalsan
