Xiriiriyaha Gobalka W/bari Kenya, Maxamuud Saalax ayaa u sheegay Wakaalladda Wararka AP inay Saraakiisha boliska toogasho ku dileen 4 ka tirsan Dagaalamayaasha Alshabaab, waa sida uu hadalka u yiri.
Waxa uu intaasi ku daray inay Boliska dileen Dagaalamayaasha oo uu xusay inay qorsheynayeeen inay weerar ku qaadaan Saldhig Bolis oo ku yaalla Xuduudka.
Xiriiriyaha Gobalka W/bari Kenya, Maxamuud Saalax waxa uu intaasi ku daray inay Boliska soo heleen 4 qori iyo Jaakadaha Milliteriga ee Ciiddanka Somalia.
Dhinaca kale, Wargeyska The Star ayaa qoray inay Boliska Kenya sheegeen inay Dagaalmayaasha Alshabaab qorsheynayeen inay weeraraan Xarumo Boliska ku leeyihiin Ceel-waaq.
Dhinaca kale, ma jiraan warar madax-bannaan oo xaqiijinayo Hadalka ay Saraakiisha Kenya ku sheegteen inay Hawlgal ku dileen dhowr ka tirsan Dagaalamayaasha Alshabaab.
©Radio Dalsan
