Warar dheeraad ah ayaa kasoo baxaya dagaal xoogan oo weli ka socda duleedka Degmada Balad-xaawo ee Gobolka Gedo, kaasi oo uu dhexeeya Ciidanka dowladda Federaalka iyo kuwa maamulka Jubbaland.
Dagaalkaan oo intiisa badan ka socda Nawaaxiga Xerada BP1 oo ay ku sugan yihiin Ciidanka Jubbaland ayaa waxaa la sheegay inuu dagaalka kusii fiday deegaano hor leh oo u dhow xuduudka gaar ahaan Magaalada Mandheera ee dalka Kenya.
Khasaaro isugu jirab dhimasho iyo dhaawac ayaa lagu soo waramayaa inuu dagaalka ka dhashay, In kastoo aan si dhab ah loo ogeyn inta uu la egyahay, maadaama aaga uu dagaalka ka socdo ay adeg tahay in xog laga helayo.
Dadka deegaanka oo la hadlay Warbaahinta ayaa waxaa au sheegeen in gudaha Degmada Balad-xaawo ee Gobolka Gedo ay kusoo dhaceen tiro Madaafiic ah, kuwaasi oo ku dhacay Guryo ayna gubteen, weli lama oga Khasaaraha ka dhashay.
Dhinaca kale maamulka Jubbaland ayaa ka hadlay dagaalka ka socda duleedka Balad-xaawo ee Gobolka Gedo, waxaana Saraakiisha Ciidanka Jubbaland ay sheegeen in Ciidamo ka tirsan dowladda ay weerar kusoo qaadeen Ciidanka Jubbaland ee ku sugan Balad-xaawo.
Saraakiisha Ciidanka Jubbaland ayaa waxaa ay sheegeen inay iska difaaceen weerarkii uga yimid dhanka Ciidanka dowladda, isla markaana ay kuwa dowladda dib ugu celiyeen halkii ay kasoo dhaqaaqeen waa sida ay hadalka u dhigeen.
Wararka ayaa intaas kusii daraya in dagaalkan Maanta qarxay uu sameeyn ku yeeshay xuduudka Soomaaliya iyo Kenya gaar ahaan Magaalada Mandheera, waxaana gudaha Magaalada laga maqlayaa dhawaqa rasaas xoogan.