Ciidamada Itoobiya oo muddo 20 sana ah ku sugnaa jiidda hore ee xuduudda Eretrea ayaa la sheegay in la soo qaadayo.
Go’aankan dawladda Itoobiya ay gaartay ayaa waxay ka dambeysay kaddib marki ay Itoobiya iyo Eretrea colaaddi u dhaxeysay ay heshiis nabad galyo ku soo afjareen.
Ciidamada Itoobiya oo ku sugnaa jiidda hore ee Buree, Zaalambass, Shiraaro iyo Baadme waxay tiradoodu kor u dhaafeysay 100,000 iyada oo ay tirada ciidamada marar badan isbeddeleysay.
Ciidanka Itoobiya marki uu dagaal xooggan uu la galay ciidanka Eretrea waxay muddo 20 sana ah habeen iyo maalinba ay ku jireen dhufeys aad u adag iyaga oo ciidamada ay ku hubeysnaayeen hubka noocyadiisa kala duwan.
Guddoomiyaha gobolke waqooyi ee ismaamulka Tigreega Taklaay G/Madihiin, ayaa wuxuu sheegay iney aad u soo dhaweeynayaan heshiiska nabadeed ee ay labada dowladood gaareen.
Waxauuna heshiiska nabadda si gaar ah dan ugu tahay ayuu yiri deegaammada xuduudda labada dal ku teedsan oo dhowr iyo labaatanki sano ee la soo dhaafay dagaalladu ay ragaadiyeen.
Eretrea waxay iyaduna dhankeeda ka sheegtay iney qaadeyso tallaabbo la mid ah tan ay Itoobiya qaadday oo ay ciidamadeeda ka qaadeyso xadka labada dal ay wadaagaan.
