Guddoomiyaha Gobolka Banaadir ahna Duqa Magaalada Muqdisho Yuusuf Xuseen Jimcaale (Madaale) ayaa xalay ku booqday Isbitaalka Ciidanka Xoogga Dhaawacyada Ciidamo maanta dagaal deegaanka Masjidka Cali Gaduud ee Gobolka Shabeelaha Dhexe.
Sidoo kale Guddoomie Sheekh Yuusuf Xuseen ayaa u kuur-galay xaaladda Caafimaad dhaawacyo horey loogu keenay Gobolka Hiiraan oo ku jira Isbitaalka Digfeer, dadkaas oo waxyeelo kala duwan kasoo gaartay qaraxyo ka kala kacay Buulo-burte iyo Maxaas.
Duqa Muqdisho ayaa Alle ugu baryay dhamaan dhaawacyada kusoo waxyeeloobay Howlgalada dalka ka socda in uu caafimaad deg deg ah Alle siiyo, isagoo xusay in ay garab taagan yihiin ciidamada kala gedisan ee Qalabka sida iyo Shacabka ee dagaalka ku jira.
Guddoomiyaha Gobolka Banaadir ahna Duqa Muqdisho Yuusuf Xuseen Jimcaale (Madaale) ayaa shacabka Soomaaliyeed meelkasta oo ay joogaan ugu baaqay in loo midoobo dagaalka ka dhanka ah dagaalamayaasha Al-shabaab.
Sidoo kale Guddoomiyaha ayaa dalbaday in Ciidanka xoogga dalka lagu garabsiiyo sidii guud ahaan dalka loogu xoreyn lahaa Al-shabaab, waa sida uu hadalka u dhigay Guddoomiye Mudaale oo booqday Askartii kusoo dhaawacantay dagaalka Cali Guduud.
