Guddiyada doorashooyinka dowlad Goboleedyada Koonfur Galbeed iyo Galmudug ayaa shaaciyay Jadwalka doorashada kuraas ka tirsan Golaha Shacabka Baarlamaanka 11-aad ee dowladda Federaalka, kuwaasi oo deegaan doorashadoodu tahay labada maamul.
Qoraal ay soo saareen Guddiga doorashada Koonfur Galbeed ayaa waxaa lagu sheegay inay qabanayaan doorashada lix kursi, waxaana diiwaan-gelinta Musharaxiinta dooneysa tartanka kuraastaas ay bilaabaneysaa 8-da bishaan Maarso 2022.
Guddiga ayaa shaaca ka qaaday in doorashada lixda kursi ee Golaha Shacabka la qaban doono 9-ka bishaan, iyadoona doorashada ay ka dhaceyso Magaalada Baydhaba ee Xarunta Gobolka Baay ahna Caasimadda KMG ah ee Maamulkaas.
Sidoo kale Guddiga doorashada Maamulka Galmudug ayaa dhankooda xalay soo saaray Jadwalka doorashada shan kursi oo kamid ah kuraasta Golaha Shacabka Baarlamaanka 11-aad ee dowladda Federaalka Soomaaliya.
Guddiga ayaa sheegay in doorashada kuraasta la qabanayo 6-da bishaan Maarso 2022 oo ku beegsan maalinta berri oo Axad ah, isla markaana waxaa doorashadaas lagu qabanayaa Magaalada Gaalkacyo ee Xarunta Gobolka Mudug.
Jadwalka Doorashada Koonfur GalbeedÂ
Jadwalka Doorashada GalmudugÂ
