Warar dheeraad ah ayaa kasoo baxaya Weerar Maanta Al-shabaab ay ku qaadeen gaadiid ay wateen ciidamo ka tirsan kuwa Millateriga Soomaaliya,kaasi oo ka dhacay inta u dhaxeysa tuulooyinka Qalimow iyo Gololeey ee Duleedka Degmada Balcad ee Gobolka Shabeellaha dhexe.
Ciidamaas oo ka yimid dhinaca Magaalada Jowhar ayaa weerarka Jid-gal ahaa ee lagu qaaday waxaa ka dhashay Khasaaro isugu jira dhimasho iyo dhaawac oo soo gaaray Ciidamada la weeraray,kuwaasi oo saarnaa laba gaaro oo kala ahaa Surf iyo Mini Bus.
Ugu yaraan 10 Askari oo ka tirsan Ciidanka Millateriga Soomaaliya ayaa ku geeriyooday weerarka,halka tiro kale ay ku dhaawcmeen,kadib markii Al-shabaab ay weeraren gaadiid ay wateen Ciidamada dowlada oo marayay inta u dhaxeysa tuulooyinka Qalimow iyo Gololeey.
Dhinaca kale warar aan helnay ayaa waxa ay sheegayan in Taliyaha guutada 1aad ee ciidamad Xoogga dalka Soomaaliyeed General Ibraahim Yuusuf  dhaawac uu kasoo gaaray qarax miino oo wadada loo galshay,xili uu doonaye in uu gurmad u fidiyo Ciidamadii Shabaab ay wadada u galeen.
Dhaawaca soo gaaray Taliyaha guutada 1aad ee Ciidamad Xoogga dalka Soomaaliyeed General Ibraahim Yuusuf ayaa waxaa la sheegay in uu yahay  mid fudud.
Weerarka ka dhacay Duleedka Degmada Balcad ee Gobolka Shabeellaha dhexe ayaa waxaa la sheegay in uu isugu jiray qarax miino iyo rasaas lagu furay gawaarida ay saarnaayeen ciidamo ka tirsan kuwa Millateriga Soomaaliya oo kasoo ambabaxay Jowhar,waxaana halkaasi ay u tageen howlo tiro koob ciidan.
Wadada u dhexeeysa Jowhar iyo Balcad ayaa waxaa dhowr jeer oo horey lagu weeraray Ciidamo ka tirsan dowladda iyo Mas’uuliyiin ka tirsan Maamulka Hirshabeelle oo qaarkood lagu dilay.
