Wasiir Ku xigeenka Iran ee arrimaha dibadda gaar ahaan wadamada Carab- African ayaa carrabka ku adkeeyay in Iran ay diyaar utahay sidii loo ballaarin lahaa xiriirka ay la leeyihiin dadka Muslimka iyo dawladda Soomaaliya.
Sidoo kale waxaa uu sheegay in dowlada soomaaliya ay kala shaqeyn doonaan dhismaha nabadda, xasiloonada iyo ka hortagida weerarada Al Shabab bee Soomaaliya.
Amir Cabdullahi ayaa hadalkan jeediyay kadib markii ay wada kulmeen wasiirka boostada iyo isgaarsiinta dowlada soomaaliya Guled Hussein Kassim.
Amir Cabdullahi ayaa dhanka kale cambaareyay weerarkii ka dhacay Hotel Central, isagoona dowlada soomaaliya iyo dadkeeda ugu tacsiyeey falka weerarka ahaa.
Ugu Dambeyn shirkooda ayaa waxaa Amir Cabdullahi uu sheegay in uu u hambalyeynayo Raisal wasaaraha iyo golihiisa wasiirada, isagoona amaanay habka ay Baarlamaanka ay u ansixiyeen iyo kalsoonida ay muujiyeen.
Wasiirka Postada iyo isgaarsiinta dowlada soomaaliya, ayaa dalka Iran kaga qeybgalaya shirka NAM ministerial meeting.
Xukuumada Iran ayaa waxa ay kamid tahay wadamda fikta sare kaga jira kuwa taagera dowlada somaliya, waxaana dhanka kale ay ka dhex muuqataa dagalka ka dhanka ah burcad badeeda soomaalida.
Dowladda Iran oo Sheegtay In Diyaar Ay U Tahay In Soomaaliya Ay Ka Caawiso Nabadda iyo Deganaanshaha
