Afhayeenka Boliska Gobalka Washington, Mark Francis ayaa Bartiisa Twitterka ku sheegay in 3 qof la dilay, kadib, markii nin hubeysan weerar ka geystay Dhismo laga dukaamaysto oo ku yaalla Degmadda Burlington ee W/galbeed ee Gobalka Washington, oo qiyaastii 65 mayl dhanka Waqooyi kaga toosan Seatle Washington.
Ninka weerarka geystay ayaa la sheegay inuu ka baxsaday goobta, waxayna Ciiddanka Ammaanka bilaabeen baadi-goobka ninkaasi.
Toogashadan ayaa timid wax ka yar hal isbuuc, kadib, markii Nin Somali-Maraykan ah tooreey ku dhaawacay 9 qof oo ku sugnaa Dukaan laga Dukaamaysto oo ku yaalla Bartamaha Gobalka Minnesota.
Ninka weerarka geystay ayaa la sheegay in lagu dilay isla goobta uu dadku ku dhaawacay.
©Radio Dalsan
