Magalada Cadaado ee Gobolka Galgaduud ayaa waxaa Maanta kulan ku yeeshay xildhibaano ka tirsan Maamulka Galmudug,iyaga oo ka dooday mooshin ay ka gudbiyeen Guddoomiye ku xigeenka koobaad ee Baarlamaanka Maamulkaas.
markii uu kulanka furmay ayaa Xildhibaan Maxamed C/llaahi Guuleed oo ka tirsan Xildhibaanada waxa uu Akhriyey waxyaabaha ay ku eedeeyeen Gudoomiye ku xigeenka ee Xareed Cali Xareed.
Intaasi kadib xildhibaanada ayaa bilaabey inay u codeeyaan mooshinkaas,waxana ugu dambeyn Natiijada ku dhawaaqay guddoomiyaha Baarlamaanka Galmudug Cali Gacal Casir.
Cali Gacal Casir ayaa sheegay in kulanka ay fadhiyeen 48 xildhibaan,kuwaas oo ogolaaday xilka qaadista Xareed Cali Xareed,isla markaana aysan jirin cid diiday ama ka aamustay.
Hoos Ka Dhageyso Codka guddoomiyaha Baarlamaanka Galmudug.