Magaalada Garbaharey ee gobolka Gedo waxaa ka dhacay dibad-baxyo rabshado wata, oo ay sameeyeen dad la sheegay inay ka cabanayaan maamulka Jubbaland.
Dad careysan ayaa beegsaday wasiirka qorsheynta iyo iskaashiga caalamiga ah ee maamulka Jubbaland Aadan Aw Xirsi, oo isaga iyo xubno la socda ay magaalada kormeer ku joogaan, waxaana la sheegayaa in dadkaasi ay wasiirka gaarsiiyeen dakhar.
Wasiirka Qorsheynta Jubbaland Aadan Aw Xirsi ayaa sheegay in daqarkaas uu kas oo gaaray dhaawac fudud,kadib markii Carruur yar yar ay dhowr dhagax kusoo tureen.
Sidoo kale waxa uu sheegay in banaanbaxa rabshadaha watay uu ahaa mid abaabulan,isla markaana ay qeyb ka ahaayeen Ciidamo ka tirsan kuwa Dowladda federaalka Soomaaliya,waxa uuna tilmaamay in taasi ay tahay wax laga xumaado.
Waxa uu hadalkiisa intaasi ku daray in iyaga ay diyaar u yihiin in ay xaliyaan tabashada Bulsahda Garbahaareey oo uu sheegay in uu isaga ka soo jeedo,balse ay ku dhaqaaqeen fal aan wanaagsaneyn.
Hoos Ka Dhageyso Wareysi uu siiyey Idaacadda Voa-da Laanteeda Afka Soomaaliga.