Taliyaha Hoggaanka Waaxda Canshuuraha ee Ciidanka Booliska Soomaaliyeed Janeraal cabdullaahi Xasan Bariise ayaa faah faahin ka bixiyay askar dilal ka geystay Magalada Muqdisho oo Ciidanka booliska gacanta ku dhigeen.
Shir jaraa’iis uu ku qabtay Magalada Muqdisho ayuu sheegay in askar dad rayid ah dil u geystay ay gacanta ku dhigeen,isla markaana ay u gudbiyeen Maxkamada Ciidamada Qalabka sida tallaabo sharci ah looga qaado.
Jeneraal Bariise ayaa sidoo kale sheegay in qaar ka tirsan ciidanka oo dil gaystay ay baxsadeen, hayeeshee ciidamada booliska ay ku raadjoogaan laguna jiro sidii loo soo qaban lahaa, si sharciga loo horgeeyo.
Xilli todobaadyadii la soo dhaafay ay soo bateen ciidamada dilka bareerka ah u geysanaya dadka rayidka ah ayuu ciidamada uga digay dilalkaas,waxaana uu sheegay in tallaabo laga qaadi doono,isla markaana loo dul qaadan doonin.
Darawalada Mooto Bajaajta ayuu ku eedeeyey inay mas’uul ka yihiin dilalka lagula kacayo,kadib markii ay ka dhega adeegaan xilliyada qaar koontoroolada markii la joojiyo taas oo keenta in ciidamada ay rasaas ku furaan.
Inta badan degmooyinka Gobolka Banaadir ayaa ciidamada dowladda waxa ay dadka Shacabka ah ugu awood sheegtaan hubka dowladda.
Hoos Ka Dhageyso Codka Taliyah hoggaanka Waaxda Canshuuraha ee Ciidanka Booliska Soomaaliya.
